Basler Fasnacht

Ändlig het au Basel en aigene City Marathon. Jetz hänn au Basler Promis (Malama und Co.) d Glägehait, sich sportlig z profilieren und in e fits Rampeliecht z stelle.
Mir fraien ys uff dr 2. Lauf-Event am 3. Septämber 2006...!

Jetz isch au unser aller minu mit eren aigene Syte im Netz verträdde. Mir kenne alli syni literarische und kulinarische Ergiss ändlig in Rueh aabelaaden und gniesse - wenn daas kai Sujet isch...

do gohts zem minu

20.08.2005 uff em Märt in Basel: Glaibasel gege Grossbasel; Resultat 2:0; Siiger isch dr Basler Sauglattismus und "no sports"...



Do non e glaine Bhaltis zem Iebe uff dr Wettstryt im näggschte Joor:

1. Das Berner Tram

2. Bush is back

3. Die Macht ist mit uns

4. Switzerland, 12 points

5. Latvia, 10 points

6. Germany, 0 points

7. U-Haft im Hardturm

8. Zürich zu Deutschland

9. Revolution im Bauernstaat

10. Die Wüste lebt

Isch es Ihne au scho soo gange? Bim Aaluege vo Salon Bâle uff Telebasel isch die scheen Sunntigsstimmig uff ai Schlag verflooge. Me frogt sich ärnschthaft, iber was sich unseri Glepfer-Prominänz alles ussloh und uffrege ka. Dr maischtens iberforderet Talk-Maschter spiilt dr Ball mit ere Stailvorlag syne Gescht (Zanolari, Messmer, Miesch, Lüthi-Hauser, Meschberger, Jans, Fetz, Krattiger, Gysin, Pegoraro, Emmenegger, Baader uvam.) zue und die stirze sich inbrinschtig in saichti, belangloosi Diskussione - wie lang wird uns dä TELE24-Abklatsch ächt no zuegmuetet ?

In unserer ach so harte, härzloose Zyt kunnt jetz ändlig d Rettig uss Amerika (via Dytschland): d KUSCHEL-PARTY BASEL. Y ka mir do derunter zwor e Mänggs vorstelle, Gnauers gits aber uff Kuschelparty

S BAZL und dr Herr Cron hänn dr vyl gwunscheni Versuech fir s ney ILS-34 Aaflugverfahre mit eme Swiss-Airbus duregfiehrt, und jetz goht in Binnige s Gschrey erscht rächt loos. S Flugzyg syg z hoch und z lyslig (will leer) gflooge; d Aaflugroute uff d Pischte 34 haig nit gstumme, und iberhaupt syg bschisse worde - wie me s macht isch s lätz...!

Jetz gehn d Zircher aber steil in d Offensive ! Zerscht laischte sii sich ai Fauxpas am andere, und jetz wänn sii grad die ganz Spitzemedizin an sich rysse - und uns in Basel selle no d Blinddärm und d Hienerauge blybe...

Wär hätt das dänggt...s Baseldytsch isch dr belibtisch Dialäggt vo dr Schwyz. Grad vor em Walliser und em Bärner Dialäggt. S Baselbiet isch abgschlage und d Appizäller sinn sogar am Schluss vo dr Beliebthaits-Skala; das het Radio DRS3 in eren Umfroog uusegfunde; mir wänn s emool glaube...

Isch d Stroossebenutzigsgebihr,wo dr Herr Morin in Basel yfiehre wott, s Ai vom Columbus oder e Furtz-Idee ? Das wär emänt au d Leesig fir alli Stau-Problem am Cortège...?!