Fümoar carnevalis
Bitte dä Usswys do unde drugge, uusschnyde und laminiere - scho hesch Dy Fümoar-Passepartout für die scheenschte drey Dääg...
piccolomini - 1. März, 23:05
Sujet 2011
Dienstag, 1. März 2011
Freitag, 21. Mai 2010
Basel als ney Zyyl fir Bärgtourischte
Bi dr Vermarktig vo unserer Stadt kennt d Kreativität vo de zueständige Stelle kaini Gränze; schliesslig kämpfe jo mindeschtens zwai Institutione (Basel Tourismus und s Stadt-Marketing) um d Gunscht vo Basel-Bsuecher. Neyschtens also dr Tarifverbund Nordweschtschwyz (TNW) mit dr Idee, Basel glych z verkaufe wie Grindelwald oder Davos: Als Bärg-Kurort nämlig, mit rote, blauen und schwarze Wanderpischte...Also wunderet Eych nit, wenn näggschtens Walking-Gruppe mit rote Soggen und Ruggsegg dr Schlisselbärg uffe stampfe dien !
piccolomini - 21. Mai, 23:36
Samstag, 13. März 2010
Trommel-Verordnung 1852
Wenn Du under em Joor uff dr Strooss wottsch drummle, denn isch daas Bewilligungs pflichtig. D Drummel-Verornig uss em Joor 1852 (!) schrybt vor, ass doderzue e Bewilligung vom Waffe-Byro (!) yghoolt wärde muess, damit d Ross vo de Fuerwärgg (!) nit allzue stargg strapaziert wärde !!! Jetz forderet e politische Vorstooss, ass s Drummle als "Musiziere" qualifiziert wird und dodermit ohni Bewilligung erlaubt wird.
Schliess Di do grad dr entsprächende FB-Gruppen aa: Freyhait fir s Drummle !
piccolomini - 13. März, 16:38
