Basler Fasnacht

Mir hänn absolut kai Mieh dermit wenn me mit uns iber d Notwändigkait vo däre Absag disskutiert. Oder wenn me mit uns über unseri Aarbet will reede. Aber was uns wirgligg eergeret, isch, wenn me unwoore Boggmischt ins Netz stellt: Wenn Du, Piccolomini, in de letschte 10 Joor hättsch welle ans Charivari, denn hättsch aifach numme miesse an d Vorverkaufsstell gone Billjé hoole. Ussverkauft sinn mir nämmlig syt em Joor 2000 numme grad aimool gsi, und zwoor im 2009. Sunscht hetts immer Tix gä. Au wenn me nid vo Ziri ko isch. Das isch d Wooret und nid säll, wo Du gschriibe hesch! Heb e gueti Fasnacht, wenigschtens.