Basler Fasnacht (e Forum fir d Basler Fasnacht) : Rubrik:Sujet-09

Hörschutz fir d Binggis

piccolomini — 2009-02-14T17:53:00Z

D SUVA schiesst wiider emool iber s Zyyl uuse. Grad rächtzytig zer F-09 wärfe sy e zimmlig schregglig Accessoire uff e Märt: E Gheerschutz fir Kinder...

Mir kennen unseri Ohren au mit glaineren, unufffälligere Grät schitze !!!

"Last-Minute" Sujet

piccolomini — 2009-01-24T17:35:00Z

Merci, liebi Zircher Wärber ! Jetz bruuch y nimm miesam my aige Gossdym zämmezschnurpfe. Myni "0815"-Limpe loss y dehai und bschtell stattdesse die aparte Modäll vo "downtownswitzerland" - by däären Usswahl wirds mer allerdings nit grad lycht gmacht - ass was gang y an dr F-09 uff d Gass ???

Rauchverbot losst uff sich warte...

piccolomini — 2008-12-18T20:42:00Z

Jetz fraie sich alli Raucher; sii bekemme e Galgefrischt vo 15 Menet. Und d Kräbsliiga isch entsetzt, ass daas eso lang goh duet. Aber uff alli Fäll derfe sich alli Glyggekäller fraie:

Fasnachtscliquenkeller und andere Vereinslokale unterstehen dem Rauchverbot nicht, sofern sie ausschliesslich von Vereinsmitgliedern benutzt werden. Sind die Cliquenkeller und Vereinslokale jedoch der Öffentlichkeit zugänglich, fallen sie unter das Rauchverbot.

Also isch jetz alles glaar ? Ab dr Fasnacht 2011 isch in alle Lokal also Rauche verbotte - do gits nyt me z hueschte.....

P.S.: Mit dämm Zytrahme kasch daas Sujet glatt die näggschte drey Joor verwände...!!! ( Eso kasch während dr Gryyse vyyl Gäld spaare )

Wältuntergang...?

piccolomini — 2008-09-10T15:28:00Z

Hit isch dr ney Daili-Beschleyniger vo dr CERN in Betriib gno worde. Näggschtens losst men also die beschleynigte Protone uffenander loos und losst sy mitenand kollidiere; eso wird dr Urknall simuliert, und d Ärde kennt (luut gwisse Fachlyt) im ene schwarze Loch verschwinde...!

StadtHimmel - statt Himmel

piccolomini — 2008-05-22T19:22:00Z

Jetz hängge sy also, die erschte Textil-Himmel vom Klaus Littmaa. Zerscht het er kai Gäld ka, was bi syne Projäggt aber normal isch. Denn sinn Problem bi dr praktischen Umsetzig vo synere neyschte Kunscht-Intervention uffdaucht; d Huusbsitzer hänn nit iberall mitgmacht und an andere Stelle hets technischi Unwägbarkaite gäh (Staine, Clarastrooss, Bahnhofplatz). Fraie mer ys also iber das, wo scho realisiert worden isch...!

Aadie gmietlig Basel !

piccolomini — 2008-01-26T17:48:00Z

Wo goht daas no aane mit unserer Stadt. Under em Rendite-Drugg vo anonyme Immobilie-Buude goht Basel als wie meh dr Bach ab. Non em Verschwinde vo Glogge, Drache, Storche, Gambrinus, Berse und vyylen andere gmietlige Baize, sott s jetz em Rhyfälderhof, em Alte Wartegg, em Stadtkäller (?), em Gifthittli (?) und em MUTZ (!) an Graage goh... BASEL WACH UFF !!!

Quo vadis Glepfer ?

piccolomini — 2008-01-16T15:43:00Z

Mir alli zittere um unseri National-Wurscht; gnauer gsait um sy Hille. Mir kenne by de vorliigende Variante wähle zwische knackig, guet zem Schelle oder guet zem Breetle. Nadyrlig oder synthetisch - daas isch do d Froog, und die ganz Nation zitteret, obs in Zuekunft iberhaupt no Glepfer git; und schuld dra isch erscht no d EU...!