Basler Fasnacht (e Forum fir d Basler Fasnacht) : Rubrik:Sujet-08

5 Minute Morgestraich im Advänt !

piccolomini — 2007-11-30T20:34:00Z

E tolli Idee - fir Basel aber gar nyt Neys...Mir spare s Liecht jo jede Morgestraich !

Swiss Army Knife?

piccolomini — 2007-07-14T13:35:00Z

D CH-Armee findet, ass s "Soldatemässer-61" nimm Zyt gemäss sygi; z.B. fählt em e Gryz-Schruubezieher - und dä isch hitte unabdingbar fir s Fligge vom Läpi, vom MP3-Player oder vom GPS-Navigator...
aber im Aaforderigsprofil firs neye Mässer fählt no allewyl dr Zapfezieher - schynts ! Derfir sinn Ässstäbli integriert, will dr Liferant mit greschter Wohrschynligkait uss China kunnt...

Es werde Gelb !

piccolomini — 2007-03-16T17:26:00Z

In Rieche, im neye Schuelhuus "Hinter Gärten", gits jetzt Klassezimmer ganz in Gääl. D Schieler und ihri Eltere sehn doderby Root ! Aber luut Farbelehr het doo dr Architäggt ins Schwarze droffe - lueg sälber:

Gelb: Ist die Farbe des Glücks, der Zufriedenheit. Der Klarheit und der positiven Energie. Gelb schenkt Kreativität, unterstützt die Vorstellungskraft, fördert das logische Denken, unterstützt den Lerneifer und die Auffassungsgabe. Mich wundert es, dass die Schulzimmer nicht gelb gestrichen sind. Die Leistungen der Schüler würden bestimmt rapid ansteigen.... Gelbe Heilenergie vertreibt Trübsinn, Depressionen, Arbeitsunlust & Ermüdungserscheinungen. Hilft den Verdauungsorganen ihre Arbeit rascher und besser zu erledigen.Aber auch bei Gallen, Leberbeschwerden hilft diese Farbe besonders gut. Gelb ist die Farbe des Solarplexus. Der Sitz des vegetativen Nervensystems. Extra Tip: Die Farben wirken auch wenn wir darin schlafen. Sollte Ihnen eine Farbe als Kleidung überhaupt nicht zusagen, der Körper würde sie aber brauchen, so kaufen Sie sich ein entsprechendes Leintuch oder Schlafshirt.

dr ältischt Basler

piccolomini — 2007-03-10T17:37:00Z

Noonem Zwaibainer, em Pinguin, wird dr Star vo dr Fasnacht 2008 allwäg uff alle Säggse ummerenne: dr Raymondionymus marqueti, dr Uuuuurywohner vo Basel. Är isch vo de Zircher (...) uss Wädenswil am Rhybord uffgspyrt worde, en ächt Tertiärrelikt, wie d Wisseschaftler maine, und ebbe grad zwai Millione Jeerli alt. Vulgo nennt är sich Ärdrisselkäferli.